‘గౌతమీపుత్ర శాతకర్ణి’ నుండి దేవి అవుట్..?

నందమూరి బాలకృష్ణ హీరోగా తెరకెక్కుతున్న వందో చిత్రం ‘గౌతమీపుత్ర శాతకర్ణి’. ఈ చిత్రానికి క్రిష్‌ దర్శకత్వం వహించగా, వై.రాజీవ్‌ రెడ్డి, సాయిబాబు జాగర్లమూడి నిర్మాతలు. బిబో శ్రీనివాస్‌ సమర్పిస్తున్నారు. యావత్ భారతాన్ని పరిపాలించిన చక్రవర్తి అయిన ‘గౌతమీపుత్ర శాతకర్ణి’ జీవితంపై ఈ సినిమా రూపుదిద్దుకోనుంది.

ఈ చిత్రానికి మొదటగా దేవి శ్రీ ప్రసాద్ ను అనుకున్నారు. కానీ దేవి శ్రీ ఈ చిత్రం తో పాటు మరో రెండు మెగా ప్రాజెక్ట్స్ చేస్తున్నాడు. ఈ మధ్య తన అమెరికా లైవ్ ఇన్ కాన్సర్టుల సంగతి చూసుకోవడంతో శాతకర్ణి కు పాటలు కంపోజ్ చేయడం లేట్ అవుతోందట. సంక్రాంతి 2017కు ఎట్టిపరిస్థితుల్లో సినిమాను రిలీజ్ చేయాలనీ భావిస్తున్న బాలయ్య కు దేవి పెద్ద తలనొప్పిగా మారాడట . పాటల్లో కూడా విజువల్ ఎఫెక్ట్స్ ఉంటుంది కాబట్టి త్వరగా పాటలు సమకూర్చాలని దేవి తో చెప్పడం తో మనోడు చేతులెత్తాశాడట. ఫాస్ట్ గా అయితే ఆ ఫీల్ లో సాంగ్స్ రావని చెప్పడం తో , ఇప్పుడు క్రిష్ కొత్త మ్యూజిక్ డైరక్టర్ కోసం వెతుకుతున్నాడనే సమాచారం.

గతంలో క్రిష్ ‘కంచె’ సినిమాకు కంపోజ్ చేసిన చిరంతన్ బట్ దగ్గర పాటలు తీసుకుని.. మణిశర్మతో బ్యాక్ గ్రౌండ్ స్కోర్ చేయిస్తారని వార్తలు వినిపిస్తున్నాయి. చూడాలి మరి ఏం జరుగుగుతుంది.