బాహుబలితో పాటు ప్రభాస్ తదుపరి సినిమా టీజర్

వచ్చే నెల చివరిలో బాహుబలి2 సినిమాని విడుదల చేయనున్న ప్రభాస్ ఈలోపు తన తదుపరి సినిమాని అరంభించనున్నాడు. రన్ రాజా రన్ ఫెమ్ సుజిత్ దర్శకత్వంలో ప్రభాస్ కొత్త సినిమా మొదలుకానున్నది. ఈనెలలోనే ఈ సినిమా షూటింగ్ ఆరంభం కానున్నది. బాహుబలి పాత్రకోసం పెరిగిన వెయిట్ ని తగ్గించుకునే పనిలో ఉన్నాడు ప్రభాస్.

సుజిత్ తో కొత్త సినిమాని ఈ నెలలో ప్రారంభించనున్నారు. హీరోయిన్ ఫైనల్ కాకపోయినా అనుకున్న స్థాయిలో ప్రభాస్ ఇంకా వెయిట్ తగ్గకపోయినా...సినిమాని ఆరంభించడం వెనుక ఓ కారణం ఉన్నది. మొదట ప్రభాస్ పై కొన్ని కీలక సనివేశాలని రూపొందించాలని అనుకుంటున్నాడట దర్శకుడు సుజిత్. ఓ టీజర్ ని కట్ చేసి అవసరమైన మేర మాత్రమే షూట్ చేస్తారట.

బాహుబలి 2 విడుదల నాటికి దీన్ని సిద్దం చేసి, బాహుబలి పార్ట్ 2కి దీన్ని జత చేయాలనీ భావిస్తున్నాడని తెలుస్తుంది. తెలుగు, తమిళ్, హిందీ భాషల్లో రూపొందుతున్న ఈ సినిమా టీజర్ ని ఆయా భాషల్లో బాహుబలి2 సినిమాకి జత చేస్తారట. అందుకే ఈనెలలోనే షూటింగ్ ప్రారంభించనున్నారని టాక్.