ఎన్టీఆర్ గుడి ఎక్క‌డుందో తెలుసా ?

దివంగ‌త మాజీ సీఎం, టీడీపీ వ్య‌వ‌స్థాప‌కుడు నంద‌మూరి తార‌క రామారావు గురించి తెలుగు ప్ర‌జ‌ల‌కు ప్ర‌త్యేకంగా చెప్పాల్సిన ప‌నిలేదు.తెలుగు జాతి ఉన్నంత కాలం ఆయ‌న వారి గుండెల్లో చిర‌స్థాయిగా నిలిచిపోతాడు. ఇప్పుడు ఎన్టీఆర్ లేక‌పోయినా రెండు తెలుగు రాష్ట్రాల్లో ఆయ‌న విగ్ర‌హాలు మాత్రం కోకొల్లులుగా ఉన్నాయి. ఆయ‌న‌కు, నంద‌మూరి ఫ్యామిలీకి ఎలాంటి వీరాభిమానులు ఉన్నారో ప్ర‌త్యేకంగా చెప్పాల్సిన ప‌నిలేదు.
తాజాగా చిత్తూరుకు చెందిన సీనియ‌ర్ ఎన్‌టీఆర్ వీరాభిమాని ఒక‌రు. ఎన్‌టీఆర్‌కు విగ్ర‌హం ఏర్పాటు చేయ‌డ‌మే కాకుండా ఓ గుడిని కూడా ఈయ‌న నిర్మించి ఎన్టీఆర్‌పై త‌న‌కు ఉన్న అనంతాభిమానాన్ని చాటుకున్నాడు. చిత్తూరు జిల్లాకు చెందిన పీ. శ్రీనివాసులు అనే వ్య‌క్తి సీనియ‌ర్ ఎన్‌టీఆర్‌కు పెద్ద ఎత్తున గుడి క‌ట్టించారు. ఆయ‌న ధ‌న‌వంతుడో, పారిశ్రామిక‌వేత్తో కాదు ఓ వృద్ధుడు. త‌న‌కు ప్ర‌భుత్వం నెల‌నెలా అందించే వృద్ధాప్య పింఛ‌న్‌తోపాటు చిన్న‌పాటి బ‌డ్డీ కొట్టే ఆధారం. చిత్తూరు జిల్లా తొట్టంబేడు మండలంలోని కంచనపల్లె గ్రామంలో ఎన్‌టీఆర్‌కి టెంపుల్ క‌ట్టాడు. అంతేకాదు, అక్క‌డ ఎన్‌టీఆర్ విగ్ర‌హానికి పూజ‌లు చేసేందుకు కూడా అన్నీ రెడీ చేసేసుకున్నాడు. అయితే ఆర్థిక వ‌న‌రులు ఎవ‌రైనా స‌మ‌కూరిస్తే ఎన్‌టీఆర్‌కు ప్ర‌తి రోజు ఇక్క‌డ పూజ‌లు అందేలా చేస్తాన‌ని చెపుతున్నాడు. మ‌రి మ‌నోడికి ఎవ‌రైనా దాత‌లు సాయం చేస్తారేమో చూడాలి.

Like us on fb http://www.facebook.com/cinemaTelugu