బ్రిటన్లో 29ఏళ్ల బాధ్యతలేని తండ్రి
నిరుద్యోగి అయినా షోకులకు తక్కువలేదు
లండన్, మార్చి 31: ఉద్యోగం లేదు.. కానీ 10 మంది భార్యలు.. 15 మంది పిల్లలున్నారు. అలాగని ఆయన అరబ్ షేకో.. 50-60 ఏళ్లుంటాయా అంటే అదీ కాదు. హి ఈజ్ జస్ట్ 29 ఇయర్స్. త్వరలోనే 16వ బిడ్డకు తండ్రి కాబోతున్న ఇంగ్లాండ్కు చెందిన కీత్ మెక్ డొనాల్డ్ అనే యువకుడు.. దీన్ని ఏదో సాధించినట్లు చెప్పుకుంటున్నాడు. ‘‘తొమ్మిది నెలల క్రితం నేను శృంగారంలో పాల్గొన్నా.. ఆమె ఇప్పుడు 16వ బిడ్డకు తల్లి కాబోతోంది. అమ్మాయిలను పడేయటం చాలా సులభం. అందుకోసం నేను సుందర్లాండ్స్ నుంచి బర్మింగ్హామ్కు బస్సులు, రైళ్లలో ప్రయాణిస్తా. ఫోన్ నెంబర్ తీసుకుని ఛాటింగ్ చేస్తా.. లైన్లో పెడతా.. వాళ్లు కూడా వద్దని చెప్పలేరు. నా పిల్లల తల్లుల్లో చాలా మందితో బస్ ఇలాగే పరిచయం ఏర్పడింది.’’ అని ఓ డాక్యుమెంటరీ ఇంటర్వ్యూలో చెప్పాడు. 15 ఏళ్ల వయసులోనే మెక్ డొనాల్డ్ మొదటిసారి తండ్రయ్యాడు. 20 దాటే సరికి 6గురు పిల్లలు పుట్టారు. శృంగారంలో గర్భ నిరోధక పద్ధతులు పాటించటం ఈయనకు ఇష్టం ఉండదట. ఇంత చేసినా సవ్యంగా ఎలా సాగుతోందనుకోకండి. 2011లో తొమ్మిదో సంతానం విషయంలో గొడవ జరిగి ఆత్మహత్య చేసుకుంటున్నట్లు నాటకాలాడాడు. ఆ తర్వాత ఆ భార్య చేతిలో తన్నులు తిన్నాడు. 2012 నవంబర్లో ఇలాగే భార్యతో గొడవ పడినందుకు సుందర్లాండ్స్ మేజిసే్ట్రట్ హెచ్చరికలు అందుకున్నాడు. బ్రిటన్ ప్రభుత్వం అశక్తులకు ఇచ్చే పెన్షన్ (ఇన్కెపాసిటీ బెనిఫిట్స్) రూపంలో మెక్ డొనాల్డ్కు వారానికి 69 పౌండ్లు (ఆరున్నర వేల రూపాయలు) వస్తాయి. అందరు పిల్లలకు కలిపి 500 రూపాయలు ఖర్చు పెడతానని ఈ 16 బిడ్డల తండ్రి చెప్పాడు.
కామెంట్లు
కామెంట్ను పోస్ట్ చేయండి